«АрселорМиттал Теміртау» компаниясының жаңа басшысы Вадим Басин меншік иесінің ауысуы қызметкерлер алдындағы міндеттемелерге ешқандай әсер етпейтініне уәде берді, деп хабарлайды Ulysmedia.kz.
Төлем шарттары мен әлеуметтік кепілдіктер сақталады. Кеніштерде бірінші кезекте еңбек қауіпсіздігін жақсартуға көңіл бөлінеді.
«Кеше мемлекет басшысы компанияның проблемалық активтеріне қатысты инвестормен қарым-қатынас тоқтатылып жатқанын айтты. Сонымен қатар, бұл туралы компанияның бүкіл ұжымына дереу хабарлау керектігі ерекше атап өтілді: еңбек жағдайлары, жалақы немесе әлеуметтік кепілдіктер өзгермейді. Тек оларды жетілдіру тұрғысынан қарастырылатын бұрынғы шарттар сақталады. Бұл – компанияның жұмысын жалғастыру және әлеуметтік жауапкершілікті сезіну үшін қажетті шарт. Команданың бірде-бір мүшесі жұмыстан шығарылмайды, ешкімнің құқығы нұқсан келмейді», - деді Басин.
АрселорМиттал Теміртауды Вадим Басин басқаратыны бір күн бұрын белгілі болды.
Бұл туралы президент Қасым-Жомарт Тоқаев қаза тапқан кеншілердің отбасымен кездесуінде айтты.
«Ол бір кездері «АрселорМиттал» компаниясында жұмыс істеген, облыс әкімінің орынбасары болған. Мен оған қайтып осы кәсіпорынды басқаруды, бақылауды қолға алуды тапсырамын. Кәсіпорынның қазіргі басшылығы ойдағыдай емес», - деді президент.
Басин еңбек жолын 1986 жылы бастады. Қарағанды металлургия комбинатында агломерациялық цехта инженер-электрик, агломерация цехы бастығының электр жабдықтары жөніндегі орынбасары қызметтерін атқарған.
2017 жылдан бастап «АрселорМиттал Теміртау» АҚ атқарушы директоры болып жұмыс істеді.
Бұған дейін Костенко шахтадасындағы қайғылы оқиға салдарынан зардап шеккендердің саны 36 адамға жеткені белгілі болған.
28 қазан күні таңертең «АрселорМиттал Теміртау» кенішінде жарылыс болды. Шахтаға келген сәттен бастап оның құрамына жауапты тұлғалар мен әріптестер кірген жедел штаб құрылды.
Кейін Қазақстан президенті Тоқаев «АрселорМиттал Теміртаумен» ынтымақтастықты тоқтатуды бұйырды.
Қайғылы оқиға бойынша сотқа дейінгі тергеу басталды.
Сондай-ақ, үкіметтің «АрселорМиттал Теміртау» АҚ акционерлерімен алдын ала келісімге келгені және кәсіпорынды Қазақстанның пайдасына меншік құқығына беру жөніндегі мәміленің аяқталып жатқаны хабарланды.
Әлихан Смайылов Костенко шахтасындағы апаттың себептерін анықтау жөніндегі үкіметтік комиссияны басқарды.
Бір күн бұрын Тоқаев Қарағанды облысына өзі келіп, 29 қазанды жалпыұлттық аза тұту күні деп жариялады.
Сонымен қатар, президент «АрселорМиттал Теміртау» біздің тарихымыздағы ең нашар компания екенін атап өтті.
