Атыраудың бұрынғы әкімі Қайрат Оразбаев ұсталды, деп хабарлайды Ulysmedia.kz.
Прокуратура қала аумағында жер учаскелерін заңсыз бөлу фактісі бойынша Атырау әкімдігінің лауазымды тұлғаларына қатысты сотқа дейінгі тергеу жүргізіп жатқаны хабарланды.
Қайрат Оразбаев 2020 жылдың қаңтарында Атырау қаласының әкімі қызметіне тағайындалған.
2021 жылдың 31 желтоқсанында демалысқа шыққан, бірақ 2022 жылдың 10 қаңтарында жұмысқа қайта шақырылды. Дәл осы уақытта қалада, басқа аймақтардағыдай, жаппай наразылық толқыны болды. Кейін Оразбаев денсаулық жағдайы бойынша демалыс алды. Ол митингке шыққан адамдардың алдына шыққан жоқ, сол үшін де әлеуметтік желілерде сынға ілікті. 2022 жылдың 14 қаңтарында Оразбаев Атырау қаласының әкімі қызметінен босатылды.
Мемлекеттік қызметке тағайындалғанға дейін Оразбаев мұнай-газ компанияларында басқарушылық лауазымдарда жұмыс істеді.
