Аталмыш қолдау шарасы шамамен 100 миллион доллар тұратын қару-жарақ пен техниканы қамтиды, деп хабарлайды Ulysmedia.kz.
20 қарашада АҚШ Украинаға әскери көмектің жаңа пакетін жариялады. Тізімге зымыранға қарсы кешендер, атап айтқанда, M142 HIMARS және оларға қосымша оқ-дәрілер, 155 мм және 105 мм калибрлі артиллериялық снарядтар, Javelin, TOW және AT-4 танкке қарсы кешендер, сондай-ақ атыс қаруына арналған үш миллионнан астам патрон кіреді.
АҚШ Мемлекеттік департаментінің басшысы Энтони Блинкен бұл қадам соғыста Украинаға өз аумақтарын азат ету үшін, сондай-ақ Ресей оккупациясына қарсы күресу үшін көмектесетінін атап өтті.
- Президенттің қосымша қаржыландыру туралы өтінішін мақұлдау арқылы Конгрестің Украинаны қолдау шараларды қабылдауы өте маңызды. Украинаға өзін қорғауға және егеменді, демократиялық, тәуелсіз және гүлденген мемлекет ретінде болашағымызды қамтамасыз етуге көмектесу арқылы біз ұлттық қауіпсіздігіміздің мүдделерін ілгерілетеміз, – деді мемлекеттік департамент.
Еске сала кетейік,бұған дейін Германия Украинаға 1,1 миллиард еуроға әскери көмектің "қысқы пакетін" жариялаған еді. Оған патриоттың қосымша әуе қорғанысы жүйесі енеді.
