Осы келісімшарттың аяқталуы компаниялар арасында толық түсіністік барын көрсететіні аталып өтеді, деп хабарлайды Ulysmedia.kz.
Қазмұнайгаз Доңға кен орнында өнімді бөлу туралы шарттағы үлестің 60% сатып алынғаны туралы хабарлады.
Бұл нені білдіреді?
– ҚМГ өз кезегінде TotalEnergies EP Danmark A/S компаниясынан Total E&P Dunga GmbH компаниясының жарғылық капиталындағы 100% акцияны және сатып алу-сату шартының талаптарына сәйкес, тиісінше Доңға жер қойнауын пайдалану жобасында иелену құқығын сатып алудың аяқталғанын хабарлайды, – делінген хабарламада.
Екі тарап та мәміленің аяқталуы ынтымақтастықтың әр бағыты бойынша компаниялар арасындағы толық өзара түсіністікті тағы да көрсететінін атап өтті.
Доңға
Доңға мұнай-газ кен орны Маңғыстау облысының Түпқараған ауданында орналасқан. Кен орны 1966 жылы ашылған. Доңға жобасы өнімді бөлу туралы шарт шеңберінде іске асырылып жатыр.
TotalEnergies – мұнай және биоотын, табиғи газ және жасыл газдар, жаңартылатын энергия және электр энергиясын өндіретін, сондай-ақ сататын жаһандық мультиэнергетикалық компания.
Еске сала кетейік, бұған дейін миллиардтаған теңгелік кен орындары Қазақстанның меншігіне қайтарылған болатын.
