Астанада қызылша ауруы күннен-күнге өршіп барады. Науқастардың көпшілігі – вакцина алмаған бүлдіршіндер. Науқастар арасында ересектер де бар, деп хабарлайды Ulysmedia.kz. порталы Астана әкімдігінің ресми сайтына сілтеме жасап.
111%-ға артық жүктелген
Қазіргі уақытта балалар жұқпалы аурулар стационары 111%-ға артық жүктелген. Ал №3 көпсалалы қалалық балалар ауруханасының төсек қуаты 300 төсек-орынды құрайды. Алайда, маусымдық жұқпалы аурулармен, атап айтқанда, қызылшамен келетіндердің көбеюімен қуаттылығы 557-ге және тағы 20 реанимациялық төсекке дейін ұлғайды.
«Көптеген ата-аналар әлі күнге дейін қызылшаның қаншалықты қауіпті екенін түсінбейді. Кейбір жеке сенімдері бойынша олар балаларды вакцинациялаудан бас тартады. Сенімсіз фактілерге сүйенеді. Бірақ ауру басқа аурулардың асқынуына апарады. Болашақта науқас балада қызылшадан мидың ісінуі, өкпенің абсцессі сияқты ауыр зардаптарға, саңырау болып қалуға әкелуі мүмкін», – дейді №6 инфекция бөлімінің меңгерушісі Гүлмира Нұртазина.
Аурухананың мәліметінше, қызылшамен реанимацияда жатқан балалардың бәрі желдеткішке жалғанған.
«Қазір ауруханаға жатқызылған балалардың 96%-ы – вакцинацияланбаған және олардың барлығы ауыр жағдайда. Қызылшамен 6 науқас реанимацияда жатыр. Олардың төртеуі ауыр, екеуі өте ауыр, ауыр жағдайда. Қазір бұл балалардың ата-аналары дабыл қағып, үрейленіп, балалары үшін алаңдауда. Олар мұны балаларының жағдайы ауыр болған кезде ғана түсінгені өте өкінішті», – дейді №3 аурухананың реанимация бөлімінің меңгерушісі Екатерина Булатова.
Қызылша туралы нені білу керек
Дәрігерлердің айтуынша, негізінен 14 жасқа дейінгі балалар ауырады. Сондай-ақ, ересектер арасында қызылшаға қарсы ешқашан вакцина алмаған немесе вакцинация күнтізбесіне сәйкес ревакцинацияланбаған адамдар да кездеседі.
Дәрігерлер егер бұрын қызылша ауруы негізінен бір жастан асқан болса, қазір науқастардың арасында 5-6 айлық балалар бар екенін айтады.
Қызылша – вакцина арқылы алдын алатын вирус. Баланың денсаулығы мен өмірін вакцинация арқылы сақтауға болады.
Еске сала кетейік, бұдан бұрын Қызылшаның өршуіне байланысты Алматыдағы стационарлар 90% толып кеткені хабарланған еді.
Алматы санитарлық-эпидемиологиялық департаментінде қызылшаны көбінесе екпе салынбаған адамдар жұқтырып жатқанын хабарлайды.
Статистикаға сәйкес, кейінгі айларда қалада қызылшаны жұқтырудың 2509 жағдайы тіркелген. Оның 1994-і 14 жасқа (79,4%) дейінгі балалар. Балалардың көбіне нақтырақ айтқанда – 94,2% екпе салынбаған.
