Бұған дейін мәжіліс депутаты Марат Бәшімов дума депутаты Евгений Федоровты 13 жастағы балаға теңеп, арандатушылық сөздеріне пікір білдірген болатын. Көп ұзамай ресейлік депутат та Бәшімовтің пікіріне жауап берді, деп хабарлайды Ulysmedia.kz.
NEWS.ru сайтына берген сұхбатында ол қазақстандық депутаттың бірде-бір заңды дәлел келтірмегенін және өзіне тіл тигізуге жол бергенін айтты.
Федоровтың сөзінше, ол өз мәлімдемелерімен Ресейдің Қазақстанмен достығына күмән келтіруге тырыспаған, “жай ғана заңды фактіні” айтқан.
«Қазақтың беделді депутаты өзінің заңгер екенін айтқанымен, бұл мәселеде өзінің дұрыстығын дәлелдейтін бірде-бір заңды дәлел келтірмеді. Оның орнына ол мені жамандай бастады. Осылайша, оның заңды дәлелдері жоқ екені белгілі болды. Бұл Ресейдің Қазақстанмен достығына күмән келтіру туралы емес, менің сөздерім “заңды фактіге” қатысты болды», - деді Федоров.
№ 1409 заң бойынша процедуралар сақталмағандықтан, республикалар Кеңес Одағынан заңсыз бөлініп шықты деп түсіндірді депутат. Федоров бұл да Екінші дүниежүзілік соғыстан кейінгі халықаралық құқықтан туындайтынын атап өтті.
Естеріңізге салсақ, мәжілістің жалпы отырысында Марат Бәшімов кейбір Дума депутаттарының Қазақстанға қатысты арандатушылық пікірлеріне қарсы жауап берген болатын.
