Министрдің айтуынша, Қазақстан заңнамасы тарапынан ешқандай кедергі жоқ, деп хабарлайды Ulysmedia.kz.
Цифрлық даму, инновациялар және аэроғарыш өнеркәсібі министрі Бағдат Мусин Қазақстанда YouTube Premium жазылымын ресімдеу мүмкіндігі пайда бола ма деген сұраққа жауап берді.
"YouTube-Google-ге тиесілі ұйым. Шешім қабылдауға саяси себептер әсер етпейді. Олардың экономикалық бағытта өз жоспарлары бар. Сондықтан YouTube Premium бүгінге дейін қосылмады.
Әлемдік көрсеткіштермен салыстырсақ, Қазақстанда жалпы пайдаланушылардың саны аз. Жыл басында оларға жасаған сапарымда қазақстандықтардың YouTube-Premium-нің қолжетімді болғанын қалайтынын айттым. Олар белгілі бір жұмыстар атқарылып жатқанына сендірді.
Олар жазылымның жыл соңына дейін іске қосылуы нақты емес, бірақ келесі жылы міндетті түрде қосылатынын айтты.
Бұл – кейбір геосаяси немесе басқа мәселелерге байланысты емес. Аспект таза экономикалық сипатқа ие. Бұл тек Қазақстанға ғана қатысты емес. Жалпы, бүкіл әлемде де мұндай жағдай байқалады. Біз YouTube саясатына әсер ете алмаймыз. Бірақ біз өз тарапымыздан қажет барлық шарттарды айттық. Қазақстандық заңнама тарапынан ешқандай мәселе жоқ", - деді Мусин.
Министрден бізге назар аудару үшін Қазақстанда қанша қолданушы болу керектігін нақтылауды сұрадық.
"Олар пайдаланушылар санының қаншалықты басым екенін, қала берді, ел мен экономикалық аспектіні қарастырады. Екіншісі – біздің туындыларды өндірушілермен жасалған шарттар. Олар да қорытынды жасаған жоқ. Шығармалардың барлық авторларымен шарт жасасу бойынша жұмыс жүргізілетін болады. Зияткерлік құқықтар және тағы басқа бағытта жұмыстар атқарылады.
Біз өз тарапымыздан қажетті шараларды қабылдадық. Біз күтеміз. Мен шешпеймін. YouTube Google-ге тиесілі. Біз зияткерлік құқықтарға көмектесеміз деп сендірдік. Біз қазақ тіліндегі аудиторияның өсіп келе жатқанын түсіндірдік. Біз аз емеспіз. Белгілі бір міндеттерді іске асыра отырып, олар міндетті түрде осындай мүмкіндікті қосады", - деді министр.
2023 жылдың наурызында Бағдат Мусин Кремний алқабында YouTube компаниясының өнімді басқару жөніндегі вице-президенті Адам Смитпен келіссөздер жүргізгенін хабарлады.
"Ынтымақтастық перспективалары мен компанияның Қазақстандағы түрлі сервистеріне қолжетімділікті кеңейту талқыланды. YouTube өкілдері биылғы жылы Қазақстанда YouTube Premium іске қосылатынын ресми түрде жариялады. Бұл біздің нарықтың ірі технологиялық компаниялар үшін барған сайын тартымды болып келе жатқанының көрсеткіші", - деп атап өтті сол кезде Мусин.
YouTube Premium сізге жарнамасыз және фондық режимде бейнелерді көруге мүмкіндік береді. Сондай-ақ, жазылым бейнелерді желіге кірмей-ақ сақтауға және көруге жол ашылады.
