Ертең көпшілік асыға күткен маңызды жекпе-жек өтеді. Отандасымыз Шавкат Рахмонов UFC 296 турнирінде америкалық файтер Стивен Томпсонға қарсы жұдырықтасады, деп хабарлайды Ulysmedia.kz.
Шавкат ММА-де өткізген 17 жекпе-жегінің барлығында жеңген. Бүгінде ол UFC-де жартылай орта дивизионда бесінші орында тұр. Соңғы жекпе-жегін наурыз айында UFC 285 турнирінде Джефф Нилге қарсы өткізді. Сол кезде 29 жастағы отандасымыз қарсыласын үшінші раундта «қылқындыру» әдісімен жеңді.
Томпсон да оңай шағылатын жаңғақ емес. Ол 24 рет октогонға шығып, 17 рет жеңіске жеткен. Соның 8-ін нокаутпен жеңген. Бір айқасты тең аяқтаған.
