Гүлмира Сатыбалдының ісі бойынша үкім өзгерді

Апелляциялық процесс Гүлмира Сатыбалдының адвокаттарының шағымын қарады. Олар оны ақтауды немесе бас бостандығынан айыруды қамтымайтын жаза тағайындауды сұрады. Үкімге өзгерістер енгізілді. Алайда бұл өзгерістер Г.Сатыбалдыға әсер еткен жоқ. Апелляция Қызылорда қаласының құрылыс бөлімінің бұрынғы басшысы және бас маманы Тұрсын Байменов пен Ғалымжан Жаңаділовке 441 миллион теңге жымқыру бойынша сотталғандарға қосымша жаза белгіледі. Екеуіне де өмір бойы мемлекеттік және квазимемлекеттік құрылымдарда белгілі бір лауазымдарды атқаруға тыйым салынды. Гүлмира Сатыбалды туралы айтатын болсақ, алқа өзінің алғашқы үкімін күшінде қалдырды. Ол колонияда 8 жыл айыбын өтеуі тиіс.

2023 жылдың жазында Қызылорда облысының сотында Назарбаевтың бұрынғы келіні Гүлмира Сатыбалды қатысты үкім шығарылғаны белгілі.

Тергеу барысында Сатыбалдының ықпалымен "Ария-Жаңа Астана" ЖШС 2018 жылдың күзінде Сырдария өзенінің сол жағалауындағы жылу желілерін салуға тендерді жеңіп алғаны анықталды.

Қылмыстық әрекеттердің нәтижесінде Гүлмира Сатыбалды кәсіпорын басшысымен бірге 441 млн теңгені қалтаға басқан.

"Гүлмира Сатыбалды сеніп тапсырылған бөтен мүлікті иемденгені немесе ысырап еткені үшін кінәлі деп танылсын. Гүлмира Сатыбалды мүлкін тәркілемей сегіз жылға бас бостандығынан айыруға үкім шығарсын. Бұлтартпау шарасын қамауда ұстау түрінде өзгеріссіз қалдыру", - деді судья.

Сот сонымен қатар Сатыбалдының коммерциялық ұйымдарда 10 жыл басшылық қызмет атқаруға тыйым салды.

Гүлмира Сатыбалды деген кім?

52 жастағы Гүлмира Сатыбалды - Қазақстанның экс-президенті Нұрсұлтан Назарбаевтың жиені Қайрат Сатыбалдының бұрынғы әйелі. 2005 жылға дейін Қайрат Сатыбалдымен некеде тұрған. Мамандығы – мұғалім. Ортақ үш балалары бар (ұлы Бауыржан және екі қызы: Аружан мен Дария).

Қазақстанның сыбайлас жемқорлыққа қарсы қызметі Қайрат Сатыбалдыны қамауға алғаннан кейін арада бірнеше күн өткенде Г.Сатыбалды бизнесті рейдерлік басып алды деген күдікпен ұсталды. Прокурордың айтуынша, тергеу барысында ол Қазақстаннан қашуға тырысқан.

Естеріңізге салсақ, Г.Сатыбалдыға үкім осыдан алты ай бұрын шыққан еді.