Қазақстан командасының қақпашысы Владимир Никитин Будапештте өткен бірінші дивизиондағы әлем чемпионатының үздік қақпашысы атанды, деп хабарлайды Ulysmedia.kz Olympic.kz-ке сілтеме жасап.
Никитин әлем біріншілігінде орта есеппен соққылардың 94,44 пайызын қайтарған.
Сондай-ақ, ол басқа қақпашылармен салыстырғанда мұз айдында көп уақыт өткізді. Бас бапкері Владимир Никитинді бес кездесудің барлығына да қатыстырды.
Турнир барысында Қазақстан командасының қақпашысы 119 сейв жасаған. Владимир Никитин турнирдің үздік қақпашысы атанып қана қоймай, Қазақстан командасының үздігі деген атаққа да лайық деп танылды.
Бұған дейін шайбалы хоккейден Қазақстан құрамасы Мажарстанның астанасы Будапештте өтіп жатқан жастар арасындағы әлем біріншілігін сәтті бастағанын жазған едік.
