Бүгін Қазнетте "Қазақтелеком" ұлттық компаниясын цифрлық даму, инновациялар және аэроғарыш өнеркәсібі министрі Бағдат Мусин басқаратыны туралы ақпарат тараған еді. Бұл ақпаратты министрлік жоққа шығарды, деп хабарлайды Ulysmedia.kz.
“Әлеуметтік желілерде министр Б.Мусиннің басқа қызметке ауысатыны туралы жарияланымдарға қатысты мынаны хабарлаймыз. Цифрлық даму, инновациялар және аэроғарыш өнеркәсібі министрі бүгінгі күні өз қызметін жалғастыруда. Таралып жатқан ақпарат шындыққа жанаспайды”, – делінген хабарламада.
Бұған дейін Бағдат Мусин өзінің отставкасын талап еткен петицияға қатысты пікір білдірген болатын.
