Ақтөбе облысы «Қарабұтақ – Қостанай» тас жолының 132-ші шақырымында жолаушылар автобусы аударылып қалды, деп хабарлайды Ulysmedia.kz.
Ақтөбе облыстық ТЖД баспасөз қызметі оқиға орнында зардап шеккендердің жоқ екенін хабарлады. Оқиға орнына Әйтеке би аудандық төтенше жағдайлар бөлімдері қызметкерлері, жергілікті атқарушы органдар, полиция бөлімі қызметкерлері жедел жетіп, жағдайды бақылауға алған.
Белгілі болғандай, автобуста Өзбекстанның 32 азаматы болған. Олар Т.Жүргенов ауданындағы мешітке эвакуацияланды.
