Әр балаға $3000: Ұлттық қордың ақшасы ақпан айында түсе бастайды

Жоба жайлы

Ұлттық банк басшысы Тимур Сүлейменов “Ұлыс сұхбатта” “Ұлттық қор – балаларға” бағдарламасына қатысты сұрақтарға жауап берді. Оның айтуынша, бұл мемлекет пен қоғам қарым-қатынасы тұрғысынан әділ бастама.

"Әр балаға жеке шот ашылады, ақша соған аударылады. Бала дүниеге келген кезде туу туралы куәлік, жәрдемақы алып қана қоймай, жеке шоттың автоматты түрде ашылуы бойынша да қызметтерді реттеп жатырмыз. Біз бұл қызметті аяқтаймыз, іске қосамыз. Ата-аналар бұл есепті көре алады. Барлығы қанша сома жинақталғанын, зейнетақы қорынан көшірменің қалай келгенін көре алады", - деді Сүлейменов.

Ата-аналар не істеуі керек?

"Ешкімге банкке барудың қажеті жоқ. Ақшаны 18 жасында ғана алады, сол жерде банкте шот ашу қажет болады. Кейін біз Ұлттық қордан БЖЗҚ арқылы шотқа аударамыз. Ол келіп, ақшасын алады. Бірақ 18 жасқа дейін ақша тек шотқа түсіп отырады. Техникалық тұрғыдан біз дайынбыз және ешқандай проблема болмайды деп ойлаймыз", - деді Ұлттық банк басшысы.

18 жасқа дейінгі бала қанша ақша жинай алады

"Ұлттық қордың көлеміне, инвестициялық кіріс динамикасы сүйендік. Бұл ретте, толық 18 жылға 3,5 мың доллардан келеді. Шоттың девальвациядан қорғалуы да есепке алынды", - деді Сүлейменов.

Айта кетейік, бұған дейін Қазақстан Президенті балаларға Ұлттық қордан ақша есептеу туралы Заңға қол қойған болатын.

Заң нормалары

Ұлттық қордың жыл сайынғы инвестициялық табысының 50% -. балалардың 18 жасқа толғанға дейінгі арнайы жинақтау шоттарына тұрғын үй сатып алуға және білім алуға кейіннен пайдалану мүмкіндігімен мерзімінен бұрын алу құқығынсыз аудару көзделеді.

Ақшаны қашан түсе бастайды

Президенттің тапсырмасына сәйкес, балалардың шоттарына ақша есептеу 2024 жылдың 1 қаңтарында басталады. 2024 жылдың 1 ақпанында түсе бастайды.

Бұған дейін де Қазақстан Ұлттық банкінің төрағасы Тимур Сүлейменов "Ұлттық қор - балаларға" жобасының іске асырылуы туралы айтқан болатын.