Соңғы бір жыл ішінде АҚШ пен Мексика шекарасында 1,7 миллионнан астам адам ұсталды. Бұл – тарихтағы рекордтық көрсеткіш, деп хабарлайды ulysmedia.kz.
bbc.com-ның мәліметінше, республикашылар президент Байденді мигранттарға азаматтық беру туралы уәде бергені үшін кінәлауда. Осы себепті мигранттар АҚШ-ға ағыла бастаған.
АҚШ-тың шекара-кедендік баспасөз қызметінің мәліметінше, ұсталған мигранттардың жартысы өз еліне қайтарылды. 1,7 млн деген жекелей адам емес, олардың ішінде бірнеше рет АҚШ-ға өтіп кетпек болғандары бар.
Америкаға 160-тан астам мемлекеттің азаматтары бармақ болған. Мигранттардың көбі Мексикадан, Гондурастан, Сальвадордан болды. Олардың басым бөлігі – 1,1 миллионы орта жастағы адамдар. Соңғы мәлімет бойынша, соңғы 12 айда шекараны ересектердің қарауынсыз 145 мың бала кесіп өтпек болған.
АҚШ-тың оңтүстік шекарасында соңғы 12 айда ұсталған мигранттар саны 20 жыл бұрынғы рекордты жаңартты. 2000 жылы шекарадан 1,6 млн адам заңсыз кесіп өтпек болған.
