×
451.31
487.32
4.9
#2023жылқорытынды #қаңтар қақтығысы #сайлау #Украинадағы соғыс #Палестина #жемқорлық #тағайындау
451.31
487.32
4.9

«Қазақ деген ұлт болмаған»: Ресейден тағы бір арандату сөз желдей есті

Коллаж: ulysmedia.kz.

Ресей тарапынан арандату тағы жалғасты. Бұл жолы тұтас Орталық Азия халықтарына тіл тигізген саяси сарапшы, тарихшы тарихымызды жоққа шығарып отыр, деп хабарлайды Ulysmedia.kz.

НТВ телеарнасының «Место встречи» бағдарламасына сұхбат берген тарихшы әрі жазушы Михаил Смолин қазақ, өзбек, әзербайжан деген ұлттар ешқашан болмаған, олар қолдан жасалған деген сөз айтқан.

«Қазақстан деген қалай пайда болды? О баста РСФСР құрамындағы Қазақ ССР-і деген пайда болды. Яғни ешқандай қазақ деген болған жоқ. Кейін Қазақ ССР-інің құрамында Қырғыз ССР-і дегенді құрды. Одан кейін оларды РСФСР-ден бөліп шығарды. Ол жерде ұлт қалыптастыруға қатысты небір сорақы шешімдер іске асты. Мысалы, революцияға дейін өзбек деген болған жоқ. Ондай этникалық атау болған емес. Алды да бірнеше Орталық Азиядағы ұлттан өзбектерді жасап шықты. Тура солай, әзербайжан ұлтын айтсақ болады. Әзербайжан деген ұлт революцияға дейін болған емес. Айтпағым Ресей империясының жерін түрлі этникалық топтарға бөліп берді», - дейді ол.

Бұған дейін ресейлік журналист Тина Канделаки  «Қазақстан орыс тілін ысырып» жатыр деп мәлімдеген. Оның бұл жазбасына еліміздегі теміржол бекеттері атауының орысшадан қазақшаға өзгеруі себеп болған. Журналист өзінің Telegram-арнасында «тарихтағы өз орнын қолдау сылтауымен өте алысқа баруға болатыны түсінікті, әсіресе, осындай күмәнді шешімдерді ілгерілету үшін тарихты жасыру ыңғайлы» деп жазған.

Осы орайда қазақстандық тележүргізуші Динара Сәтжан Канделакиге әлеуметтік желі арқылы жауап беріп, біздің еліміздегі қазақ тілі мемлекеттік тіл екенін атап өткен. «Қай теміржол станциясын қалай атауға болатынын өзіміз шешейік. Т/Ж станциялары атауын өзгерткен жоқ, бұл олардың қазақ тіліндегі дұрыс аумақтық атаулары» деді ол.

Кейін Мәжілістің бір топ депутаты Канделакидің сөзіне қатысты пікір білдірді. Сондай ақ ҚР Сыртқы істер министрлігі ресейлік медиа өкілінің Қазақстанға кіруіне тыйым салынғанын мәлімдеді.

Ал енді қазақты «қолдан жасалған ұлт» деп отырған мына тарихшы Михаил Смолиннің бұл сөзіне кім не деп жауап береді?

Серіктес жаңалықтары