23 қаңтарда Ресей әскерлерінің Украинаға жаппай зымыран соққысын жасауы салдарынан 18 адам қаза тауып, тағы 130 адам жарақат алған. Бұл туралы Украина президенті Владимир Зеленский өз үндеуінде айтты, деп хабарлайды Ulysmedia.kz.
Оның сөзінше, өлім саны артуы мүмкін. Харьковта құтқару операциясы жалғасуда, олар әлі де үйінділерді аршып жатыр.
Кәдімгі көпқабатты үй, онда қарапайым адамдар өмір сүрді. Қалыпты өмір - бұл қазіргі Ресей өзіне қауіп ретінде қарастыратын нәрсе, деді ол.
Сондай-ақ Зеленский шабуыл 200-ден астам нысанға, оның ішінде 139 тұрғын үйге зақым келтіргенін айтты.
Украина әскери күштерінің мәліметі бойынша, 23 қаңтарда Ресей әскерлері Украинаға круиздік, баллистикалық, авиациялық және зениттік зымырандарды қолдана отырып, аралас зымыран соққысын жасады. Ресей Федерациясының әскери күштері 41 зымыран ұшырды, олардың 21-і атып түсірілді.
Киевте зымыран соққысы салдарынан бірнеше жерде өрт болды, Соломенск, Святошинск және Печерс аудандарындағы бірнеше ғимарат зақымданды. Дарницкий ауданында зымыран сынықтары тоғыз қабатты тұрғын үйдің төбесіне және балабақша маңына құлады.
Харьковта зымырандар екі көп қабатты үйге тиді. Харьков облыстық әкімшілігінің басшысы Олег Синегубов 23 қаңтарда кешке сегіз адам қайтыс болды, олардың арасында денесі үйінділердің астынан табылған тоғыз жасар қыз туралы жазды.
24 қаңтарға қараған түні Ресей әскери күштері Харьковқа тағы да С-300 зымырандарымен соққы берді. Синегубовтың айтуынша, Ресей әскери күштері оқу орнына түскен. Тұрғын үй инфрақұрылымы да зақымданып, көліктер өртенген. Сегіз адам зардап шекті.
Сонымен қатар Днепропетровск облысындағы Павлоград қаласына және Сумск облысындағы Шостка қаласына болып жатқан шабуыл туралы хабарланды.
