Астанада миллиондаған қарызы бар жүргізуші анықталды, деп хабарлайды Ulysmedia.kz.
Ішкі істер министрлігінің хабарлауынша, «Қауіпсіз жол» жедел-профилактикалық іс-шарасы барысында мамандандырылған батальон полицейлері «Subaru» көлігінің жүргізушісін тоқтатқан. «Қорғау» автоматтандырылған жүйесі арқылы оның борышкер екені белгілі болған. «Subaru» иесінің атқарушылық іс жүргізу бойынша берешек 40 миллион теңгеге жуық қарызы болған. Бұған қоса, көлік жүргізу кезінде қауіпсіздік белдігін тақпағаны үшін аталған жүргізушіге әкімшілік айыппұл салынған.
– Жүргізушіге ескерту жасалып, көлік қоғамдық көлік тұрағына қойылды, – деп хабарлайды ІІМ.
Жол қауіпсіздігін нығайту мақсатында 5-29 ақпан аралығында қалада «Қауіпсіз жол» республикалық жедел-профилактикалық іс-шарасы өтіп жатыр.
Операция басталғаннан бері полицейлер 12 674 жол қозғалысы ережесін бұзуды анықтады, оның ішінде 75 жүргізуші көлікті мас күйінде басқарғаны үшін ұсталды, 127 адамға төтенше жағдай туғызғаны үшін айыппұл салынды. 342-ден астам жүргізуші көлікті басқару кезінде тыйым салатын бағдаршамнан өтіп кеткен, 336 жүргізуші оқиға орнынан қашып кеткенмен олар да ұсталған.
262 көлік коммуналдық тұраққа қойылып, 231 мемлекеттік нөмір тәркіленген.
