АҚШ-тың Майами қаласында өткен UFC 299 турнирінде қазақстандық спортшы Асу Алмабаев америкалық Си Джей Вергарамен жекпе-жекке шығып, жеңіске жетті, деп жазады Ulysmedia.kz.
Үш төрешінің үшеуі де бірауыздан Алмабаевты жеңімпаз деп таныды — 30:27.
Бұл — 30 жастағы Асу Алмабаевтың UFC-дегі екінші жекпе-жегі.
Мұның алдындағы өткен жылғы дебютінде де қарсыласы америкалық Оди Осборннан басым түскен болатын.
32 жастағы Си Джей Вергара осы айқасқа дейін UFC-де екі рет жеңіс тұғырынан көрінген.
