ІІМ тергеу органдары интернет-алаяқтықпен байланысты істердің жартысынан көбінің бетін неге аша алмайтынын түсіндіруге тырысты, деп хабарлайды Ulysmedia.kz.
Журналистер ІІМ өкілдерінен осы санаттағы істерді ашу деңгейі неге 50% аз екенін сұраған. Мәселен, 2023 жылдың қорытындысы бойынша тергеу органдарының өндірісінде ҚР ҚК-нің 190-бабы бойынша (интернет-алаяқтық) бойынша 158 474 іс тіркелген, оның 92 954-і ашылмаған.
Киберқылмыспен күрес орталығының бастығы Жандос Сүйінбай алаяқтардың көпшілігі Қазақстан аумағынан тыс жерде екенін, соның салдарынан құқық қорғау органдары оларды жауапқа тарта алмайтынын айтты.
– Иә, шынымен де проблемалар бар. Интернетте ақпараттық технологияларды қолдана отырып жасалатын қылмыстың түрі бұл. Алаяқ шетелде екенін білген кезде қиындықтар туындайтынын сеземіз. Міндетті түрде сол елдерге сұрау саламыз. Ұлттық заңнаманың ерекшеліктеріне байланысты жауап беру уақыты ұзарып кетеді. Осыған байланысты бұл қылмыстық істер тоқтатылады, - деді ол.
Шенеунік мұндай қылмыстар таяу шет елдерден жасалып жатқанын, өйткені қазақстандықтар орыс тілінде сөйлейтінін айтты.
– Негізінен Қазақстан азаматтары, әрине, орыс тілді, сондықтан көрші мемлекеттерден қоңырау шалатындар көп. Былтыр алаяқтар Украинадан арнайы операциялар жасады, онда бүкіл қылмыстық топ ұсталды. Негізінен сол жерде шоғырланған. Басқа көрші мемлекеттерде де осындай тәжірибелер бар. Ағылшын тілінде сөйлейтіндердің Қытай мен Үндістандағы адамдарды алдаған тәжірибелер бар, - деп қосты спикер.
