ForteBank директорлар кеңесінің басшысын ауыстырды

ForteBank акционерлерінің кезектен тыс жалпы жиналысында Ердар Әбдіразақовтың директорлар кеңесінің мүшесі – банктің тәуелсіз директоры ретіндегі өкілеттігін мерзімінен бұрын тоқтату туралы шешім қабылданды.

Сондай-ақ, қаржы құрылымының директорлар кеңесінің мүшелері және Банк акционері Болат Өтемұратовтың мүдделерінің өкілдері болған Ерлан Оспанов пен Марлен Мирзабековтың өкілеттіктері тоқтатылды.

3 сәуірден бастап Федор Попандопуло мен Туан Тұяқбаев банктің директорлар кеңесінің мүшелері – ForteBank тәуелсіз директорлары болды.

Осылайша, қазіргі ForteBank директорлар кеңесі келесі құрамда бес мүшеден тұрады:

• Тимур Исатаев - Директорлар кеңесінің төрағасы, акционердің мүдделерінің өкілі;
• Әнуар Өтемұратов - Директорлар кеңесінің мүшесі, акционердің мүдделерінің өкілі;
• Талғат Қуанышев - Директорлар кеңесінің мүшесі, тәуелсіз директор;
• Федор Попандопуло - Директорлар кеңесінің мүшесі, тәуелсіз директор;
• Дирекан Тұяқбаев – Директорлар кеңесінің мүшесі, тәуелсіз директор.