Жамбыл облысы перинаталдық орталығында 33 жастағы әйел өз-өзіне қол жұмсаған болатын. Бір таңғаларлығы, перзентхана оқиғаны бір апта бойы жасырып келген, деп хабарлайды Ulysmedia.kz.
Перинаталдық орталықтың баспасөз қызметі оқиғаға түсініктеме беруге қиналып отыр.
Жамбыл облыстық перинаталдық орталығы 10 сәуірде ауруханада болған оқыс оқиға бойынша келесіні хабарлайды. Жүкті әйел жалған толғақ диагнозымен бақылауда болып, тиісті емін қабылдап жүрген. Әйелдің жүкті кезінде ешқандай психологиялық ауытқулары байқалмаған. Оқиға орнына жедел-тергеу тобы келді. Аталған фактіге байланысты құқық қорғау органдары 105-баптың 1-бөлігі (Өзін-өзі өлтіруге итермелеу) бойынша сотқа дейінгі тергеу амалдарын бастады. Сот-медициналық сараптамасы жүргізіліп жатыр. Сондықтан басқа түсініктеме бере алмаймыз, – деп жауап берді орталықтың баспасөз қызметі.
Оқи отырыңыз: Таразда жүкті әйел перзентханада асылып қалған
Сондай-ақ орталық өкілі емдеу мекемесінде ешқандай жанжал болмағанын айтты.
«Время» сайтының азуынша, марқұм бұған дейін күйеуімен және үш қызымен тұрып келген. Оның ауруханаға Сарысу ауданынан түскені анықталды. Әйел бұл кезде ұлына аяғы ауыр болған. Таяуда отбасы гендерлік кеш өткізіп, баланың жынысын жариялаған.
Аудандық аурухананың мәліметінше, марқұм іші ауырғанына шағымданып, жергілікті гинекологқа хабарласқан. Кейін ол ауруханаға жатқызуды талап еткенін айтты. Перинаталдық орталықта онымен үш әйел бір бөлмеде жатқан. Әйелдердің сөзінше, сол күні марқұм күйеуімен қаржы мәселесіне байланысты жанжалдасып қалған.
