Ресейлік журналист қазақ қоғамындағы "ұят" ұғымын сөз етті деп хабарлайды, Ulysmedia.kz.
Журналист Қазақстан әйелдерінің өршіл, дербес екенін айтып өтті, Бірақ қоғамдағы “ұят” ұғымына тоқталды.
“Қысқа юбка кидің бе? Ұят!”
“Бір жағынан, қазақстандық әйелдердің көпшілігі өте прогрессивті: олар көп жұмыс істейді, өршіл, дербес, бәріне өздері қол жеткізгісі келеді, эмансипацияға, тәуелсіздікке, теңдікті тануға ұмтылады. Сонымен қатар, салауатты феминизмге, қарындастыққа, өзара көмекке, girl power-ге (“қыздардың күші” авт.) түсіністікпен қарайды. Мен жеке өзім осындай әйелдерді танимын, кейбірімен доспын және өте құрметтеймін. Бірақ сонымен бірге елде " ұят "деген ұғым бар. Ол сөзбе-сөз "ұят" деп аударылады және қоғамдық айыптауда көрінеді. Онлайнда да және офлайнда да. Осы ұғым аясында әйел консервативті нормалардан ауытқыса ұятқа қалуы мүмкін. Қысқа юбка киіп көшеге шықтыңыз ба? Ұят. Бірнеше жігітіңіз бар ма? Ұят! Күйеуің сені ұрса да одан кетіп қалдың ба? Ұят. Әрине, бұл моральдық зорлық – зомбылыққа ұшыраған әйелдерге қосымша қысым жасайды", - деді Ксения Собчак.
Собчак бұл дәстүрдің артында ескірген түсінік тұрғанын мәлімдеді. Журналист бұл ретте Қуандық Бишімбаевтың ісі бетбұрыс болуы мүмкін деді.
Азаматтық қоғамның жеңісі
“Бұрын ұят арқылы халықтың консервативті бөлігі әйелдерге не істеп, не істемеу керегін айтып отырды: көп сөйлеме, түймедейді түйедей етпе, үндеме, шыдамды бол - жақсы көріп кетеді. Енді қыздар үй тирандарына қарсы бірігіп қана қоймай, арнайы заңның қабылдануына қол жеткізді. Жалпы, қазір Қазақстанда Салтанат ісінің аясында өте қызықты істер жүріп жатыр. Мүмкін біз тыныш революцияның бір түрін көріп отырмыз. Азаматтық қоғамның жеңісі” - деді ресейлік журналист.
Ешкім шақырмады
Бұған дейін Ксения Собчактың Бишімбаев ісіне қатысты сот процесіне не үшін келгенін жазған едік.
“Бүгін қазақсандық және ресейлік БАҚ Қазақстанның экс-министрі Қуандық Бишімбаев сотындағы менің “ерекше жағдайым” туралы жазды. Яғни, басқа журналистер тұрып тұрғанда біз жәбірленушілердің орнында отырдық деп. Достар, біз бұл тақырыппен біраздан бері айналысып келеміз. Салтанаттың өлімі туралы бірінші күннен бастап жаздық.” деді ресейлік журналист.
Бишімбаевтың ісі
Еске сала кетейік, Астана қаласының қылмыстық істер жөніндегі ауданаралық сотында экс-министр Қуандық Бишімбаевтың ісі бойынша алдын ала тыңдау 11 наурызда басталды. Прокурор экс-министр ісінің мән-жайын айтып берді.
Ал Бишімбаев тағылған айыпты мойындамай, ашық сот өткізуді сұрайды. Оған "қинау" (110-баптың 2-бөлігі) және "аса қатігездікпен адам өлтіру" (99-баптың 2-бөлігі) баптарымен айып тағылған. Бұған қоса, Астанадағы "Гастро-орталық" директоры, Бишімбаевтың туысы Бақытжан Байжанов Салтанат Нүкенованың өліміне байланысты іс бойынша "қылмысты жасырды" деген күдікпен сотқа тартылып жатыр.
12 наурызда экс-министр Қуандық Бишімбаевтың ісі бойынша алдын ала тыңдау жалғасты. Бұл жолы да журналистер сот залына кіре алған жоқ. БАҚ тарапының базынасын сот қызметкерлері тыңдаған болғанымен, ешбір журналист сот залына кіре алмаған. Тіпті тілшілер полиция шақырып, сот әкімшілігі ақпарат алу құқығынан айырып отырғаны жөнінде арыз жазуына тура келген.
4 сәуір күнгі сотта Қуандық Бишімбаевтың адвокаты Лейла Рамазанова бүгінгі сотқа Салтанат Нүкенованың денесіне жасалған сараптаманы жарамсыз деп тану қолайсыз деп тану жөнінде өтініш білдірген. Судья бұл өтінішті қанағаттандырудан бас тартқан. Ал Бишімбаевтың өзі тергеу изоляторында өз-өзіне қол жұмсамақ болғанын мәлімдеді.
Прокурор Айжан Аймағанова Қуандық Бишімбаевтан ұрып-соққан жұбайына жедел жәрдем шақырудың орнына неге көріпкелге қоңырау шалғанын сұраған. Бишімбаев “бұл менің үлкен қателігім болды” деп жауап берді.
Алдын ала тыңдаудан кейінгі соттарға журналистер кіруге мүмкіндік алды. Сот барысы Қазақстан Республикасының Жоғарғы сотының ресми сайтынан тікелей эфирден көрсетіледі.
