×
459.75
494.14
5.54
#БишімбаевСоты #су тасқыны #қаңтар қақтығысы #Украинадағы соғыс #жемқорлық #тағайындау
459.75
494.14
5.54

Сот сараптаманы жарамсыз деп тану жөніндегі Бишімбаевтың авдокаттарының өтінішін қанағаттандырмады

04.04.2024, 15:15
Астана соты

Қуандық Бишімбаевтың адвокаты Лейла Рамазанова бүгінгі сотқа Салтанат Нүкенованың денесіне жасалған сараптаманы жарамсыз деп тану қолайсыз деп тану жөнінде өтініш білдірген. Судья бұл өтінішті қанағаттандырудан бас тартты, хабарлайды Ulysmedia.kz.

– Қорғаушының өтінішін қанағаттандырудан бас тарту жөнінде қаулы қабылданады, - деді судья Айжан Көлбаева.

Бұған дейін адвокат Лера Рамазанова айыпталушы Бишімбаевқа Салтанатттың  денесіне жасалған сараптаманы тағайындау жөніндегі қаулы әлдеқайда кешірек көрсетілгенін айтқан болатын.

Сондай-ақ, Бишімбаевты қорғау тарапы сараптамаға жеке сарапшылардың тартылғаны дұрыс емес деп санайды.

Еске сала кетейік, марқұмның денесіне жасалған сараптама Нүкенованың өліміне оң жақ фронтемпоральды париетальды оксипитальды аймақта жедел субдуральды гематомамен бірге жүретін жабық ми жарақаты салдарынан болғанын көрсеткен.

Сарапшылар сондай-ақ Салтанаттың өлімі бірнеше рет қатты заттың әсерінен дене жарақаттары пайда болды деген қорытындыға келген. Сотталушы Салтанаттың өзі құлап, басын “унитазға соқты” деп мәлімдеген болатын.

Бишімбаевтың ісі

Еске сала кетейік, Астана қаласының қылмыстық істер жөніндегі ауданаралық сотында экс-министр Қуандық Бишімбаевтың ісі бойынша алдын ала тыңдау 11 наурызда басталды.  Прокурор экс-министр ісінің мән-жайын айтып берді.

Ал Бишімбаев тағылған айыпты мойындамай, ашық сот өткізуді сұрайды. Оған "қинау" (110-баптың 2-бөлігі) және "аса қатігездікпен адам өлтіру" (99-баптың 2-бөлігі) баптарымен айып тағылған. Бұған қоса, Астанадағы "Гастро-орталық" директоры, Бишімбаевтың туысы Бақытжан Байжанов Салтанат Нүкенованың өліміне байланысты іс бойынша "қылмысты жасырды" деген күдікпен сотқа тартылып жатыр.

12 наурызда экс-министр Қуандық Бишімбаевтың ісі бойынша алдын ала тыңдау жалғасты. Бұл жолы да журналистер сот залына кіре алған жоқ. БАҚ тарапының базынасын сот қызметкерлері тыңдаған болғанымен, ешбір журналист сот залына кіре алмаған. Тіпті тілшілер полиция шақырып, сот әкімшілігі ақпарат алу құқығынан айырып отырғаны жөнінде арыз жазуына тура келген.

Алдын ала тыңдаудан кейінгі соттарға журналистер кіруге мүмкіндік алды. Сот барысы Қазақстан Республикасының Жоғарғы сотының ресми сайтынан тікелей эфирден көрсетіледі.

Серіктес жаңалықтары