Комиссияның мәліметінше, Қазақстан үкіметі діни қызметті шектеп отыр, деп хабарлайды Ulysmedia.kz.
АҚШ-тың әлем елдеріндегі діни сенім бостандығы жөніндегі комиссиясы (USCIRF) дін ұстанушылардың құқықтары жөнінде баяндама жариялады. Комиссия Қазақстанды "бақылаудың арнайы тізіміне" енгізуді ұсынады.
Еске сала кетейік, АҚШ-тың халықаралық діни бостандық мәселелері жөніндегі комиссиясының мүшелері Астанаға 2023 жылдың шілдесінде келген болатын. Делегацияны белгілі құқық қорғаушы Нури Туркель бастап келген. Шетел қонақтары кездесулерді жоғары деңгейде өткізді, бірақ барлық келіссөз жабық форматта өтті. Жалпы жұртшылық олардың президент әкімшілігіне, үкімет пен бас прокуратураға не айтқанынан хабарсыз.
Редакция Нури Туркельмен байланысып, америкалық комиссия мүшелерінің қазақстандық билік өкілдерімен нені талқылағанын анықтады.
Баяндамадағы қорытындылар
Комиссия мүшелері Қазақстанда діни сенім бостандығын немесе діни төзімділікті елеулі бұзушылықтар бар деп есептейді. Комиссия жағдайды зерттеу үшін Қазақстанға келгені хабарланады.
Баяндамаға сәйкес, комиссия Қазақстан үкіметі барлық діни топтардың қызметін шектейді және дәстүрлі емес деп саналатын топтардағы адамдарды жазалайды деген қорытындыға келген.
Комиссия мүшелері Қазақстан адам құқықтарының жалпыға бірдей декларациясының 18-бабын бұзатынына сенімді, оған сәйкес әркімнің ой, ар-ождан және діни бостандығына қақы бар.
Дәлірек айтсақ, АҚШ комиссиялары шетелде дінді зерттеуге шектеулер мен мектептерде діни киімге тыйым салуды қолдамаған.
Бұған дейін Қазақстан мектептерінде діни әдебиеттерге тыйым салу жоспарланып отырғаны хабарланған болатын.
