Мәжіліс депутатты Дмитрий Колода Солтүстік Қазақстандағы халықтың азайып бара жатқанына байланысты Үкімет басшысы Роман Склярға сауал жолдады, деп хабарлайды Ulysmedia.kz.
Депутат не дейді
– Климат жағдайы, әлеуметтік, коммуналдық және жол инфрақұрылымының жағдайы аймақта өмір сүру жағдайын қиындатады Мысалы, жылыту маусымы 7 айдан астам уақытқа созылады. Жаздың қысқа күндері егіншілік пен мал шаруашылығын дамыту қиын. Қыста азық-түліктің едәуір қорын қажет етеді, – дейді депутат.
Колоданың айтууынша, елдің солтүстігі төмен дәрежеде газбен қамтылған, халықтың ауыз сумен қамтамасыз етілуінің ең төмен көрсеткіштері және ең нашар жолдарды да Солтүстік Қазақстаннан кездестіруге болады. Мұның бәрі шығындарды талап етеді, ал орташа жалақы елдегі көрсеткіштен төмен.
Халық азайып барады
– Ақыры, жылдар бойы елдің солтүстік аймақтарында халық саны азайып барады. Кадрлар тапшылығы проблемасы бар. Халықтың сапалы қызметтерге қолжетімділігі төмендейді. Сонымен қатар, елдің шекаралас аймақтарында халық санының азаюы ұлттық қауіпсіздік үшін де алаңдатарлық фактор саналады, – дйді ол.
Осыған байланысты депутат Қазақстанның солтүстік өңірлерінің мәселелерін шешуді жеделдетуді сұрайды. Ол үшін солтүстік өңірлердің тұрғындары үшін арнайы "өңірлік үстемеақыны" есептеу бағдарламасы мен әдістемесін әзірлеуді ұсынады. Сонымен қатар, жас мамандарды тарту үшін коэффициенттерді белгілеп, өңірдің зейнетақы халқы үшін "өңірлік үстемеақыны" есептеуді енгізу мүмкіндігін қарастыруды өтінеді. Қазақстанның солтүстік өңірлерін газдандыру мәселесін шешуді жеделдету керектігін айтады.
