«Қазгидромет» РМК бүгін, яғни 31 мамырға арналған ауа-райы болжамын жариялады, деп хабарлайды Ulysmedia.kz.
Қазақстанның батысы, оңтүстігі мен қиыр солтүстігінде антициклон ашық, жауын-шашынсыз ауа райын қалыптастыратын болады. Еліміздің қалған территориясында циклон және онымен байланысқан атмосфералық фронталды бөліктер тұрақсыз ауа райын алып келеді – найзағаймен жаңбыр, солтүстік-батыс, солтүстік пен шығыста бұршақ күтіледі. Республика бойынша желдің күшеюі, оңтүстік-батыста шаңды дауыл, солтүстік-батыста, солтүстікте, шығыста түнгі және таңертеңгі сағаттарда тұман күтіледі.
Түнде Қостанай облысының солтүстігі, Солтүстік Қазақстан, Павлодар облыстарының солтүстігі, Ақмола облысының солтүстігі мен шығысында 1-3 градус үсік күтіледі.
Атырау, Батыс Қазақстан облыстарында, Маңғыстау облысының солтүстік-батысы мен орталығында жоғары өрт қауіпі күтіледі.Жетісу облысының шығысында, Түркістан облысының орталығы, солтүстік-шығысында, Жамбыл облысының батысы мен шығысында, Қостанай облысының солтүстігінде, Ақтөбе облысының батысында, Қызылорда облысының орталығында жоғары өрт қаупі сақталады.
Шығыс Қазақстан облысының оңтүстігінде төтенше өрт қауіпі күтіледі, Түркістан облысының шөлді аудандарында, Батыс Қазақстан облысының Жәнібек ауданында, Атырау облысының батысында, Қызылорда облысының шығысында төтенше өрт қаупі сақталады.
