×
478.58
520.84
5.44
#қаңтар қақтығысы #Украинадағы соғыс #жемқорлық #тағайындау
478.58
520.84
5.44

«Байқоңыр» ғарыш айлағына заңсыз кірмек болған туристердің бірі қайтыс болды

11.06.2024, 16:44
Фото: РИА Новости

Францияның екі азаматы ғарыш айлағына заңсыз кіруге тырысып, олардың біреуі жолда шөлден қайтыс болды, деп хабарлайды Ulysmedia.kz.

Бұл туралы РИА Новости жазды.

Шетелден келген экстремал туристердің көбі Байқоңырға заңсыз кіруге тырысып жатады. Екі француз да сөйткен.

Францияның екі азаматы ғарыш айлағына заңсыз кірмек болған. Екеуі «классикалық» жолды таңдапты. Тасжолға шығып, айдаладағы биік ғимараттарға қарай бет алған. Жолда біреуі өзін нашар сезінген, - деді агенттікке оқиғадан хабары бар адам.

Екінші француз досына көмек бере алмай, тасжолға қарай кері жүгіреді. Тасжолға жетіп, өтіп бара жатқан көлікті тоқтатқанша, жағдайды түсіндіріп, көмек шақырғанша далада жатқан досы шөлден қайтыс болған. Маусым айында Байқоңырда ауаның орташа температурасы +33 градусқа дейін барады.

Айта кетсек, былтыр ғарыш айлағына жақын тұрған қалаға кіру тәртібі туристер үшін жеңілдетілген. Соған қарамастан Франциядан ұшып келген екі шетелдік турист оған заңсыз кірмекші болды.

Серіктес жаңалықтары