Ұлыбритания алдағы сайлауға Брайтон кәсіпкері Стивен Эндакоттың аватары Стив AI қатысады, деп хабарлайды Ulysmedia.kz.
Бұл тәуелсіз кандидат ел тарихында саяси жарыста жасанды интеллект ұсынған алғашқы үміткер болады.
Бастама кімнен
Дәстүрлі саяси партиялардан көңілі қалған Англияның оңтүстігіндегі кәсіпкер Стив Эндакотт озық технологияны қолдана отырып, өз партиясын құру шешімін қабылдаған. Эндакотт жасанды интеллект арқылы сайлаушылармен тікелей байланыс орнатуға және олардың пікірлері мен тілектерін ескеруге болады деп санайды.
– Мен басқа партиялардың британ жұртшылығымен байланысының жоқтығынан көңілі қалып, өз партиямды құрып жатырмын. Мен өзімнің сайлаушыларымның пікірімен тікелей байланысу үшін технологияны қолдануға тырысамын, - деп түсіндірді ол әлеуметтік желіде.
Сайлаушылармен жұмыс
Стивтің AI веб-сайтында пайдаланушылар жаңа саясатты әзірлеуге көмектесу арқылы "шығармашыл топқа" қосыла алады. Ол үшін "Стивтің AI-мен сөйлесу" батырмасын басып, кейбір жеке деректерді беру керек. AI Neural Voice әзірлеген Стив бір уақытта 10 000 адаммен сөйлесуге қабілетті. Ол халықтың пікірлері мен тілектерін жинайды.
Негізгі сұрақтар мен платформалар
AI-дің осы кезеңінде Стив сайлаушылардың пікірлері мен тілектерін жинауға бағытталған. Негізгі тақырыптарға Таяу Шығыстағы жағдай сияқты халықаралық қақтығыстар және қоқыс жинау сияқты жергілікті мәселелерді талқылайды. Сайланған жағдайда, Эндакотт физикалық түрде Парламентке барады, ол платформаның AI-ден алынған мәліметтерге сүйене отырып дауыс беруге уәде береді.
Ұлыбританияда әдеттен тыс кандидаттарды ұсыну тәжірибесі бар. Мысалы, басына шелегі бар сатиралық кейіпкер Лорд Бакетхед төрт сайлау науқанына қатысты. Ал 2024 жылы мэр сайлауына британ әзілкеші Джон Харви жасаған зұлым Граф Бинфейс те қатысқан.
