Павлодардағы түзеу мекемесінде сотталған азамат өзіне қол жұмсады. Ол кәмелетке толмаған қызды зорлағаны үшін жазасын өтеп жатқан, деп хабарлайды Ulysmedia.kz.
Мән-жай
Қылмыстық-атқару жүйесі комитетінің (ҚАЖК) редакцияға хабарлауынша, аталған дерек бойынша қылмыстық іс қозғалған. Тергеушілер бейнебақылау камераларындағы жазбаларды тәркілеген. Қазір тергеу жүріп жатыр.
Бұған дейін
Еске салайық, қазан айында Атбасардағы колонияда сол айда бостандыққа шығуға тиіс болған сотталушы қайтыс болған еді. ҚАЖК оның өзіне қол жұмсағанын мәлімдеді. Алайда марқұмның туыстары бұған сенбей, бейнебақылау камераларындағы жазбаларды көрсетуді талап етті.
– Оның өмір сүргісі келді. Осы уақытқа дейін бірде-бір рет тәртіп бұзған емес, – деген еді марқұмның әпкесі.
