ULYSMEDIA.KZ Жаңалықтар

«Смартфон алып кіріп, ереже бұзған»: 400-ге жуық түлектің ҰБТ нәтижесі жойылды

Сырым Қаржас

22.06.2024, 00:22

«Смартфон алып кіріп, ереже бұзған»: 400-ге жуық түлектің ҰБТ нәтижесі жойылды

Фото: Ашық дереккөзден

Ұлттық тестілеу орталығы негізгі ҰБТ-ның аралық қорытындысын жариялады, деп хабарлайды Ulysmedia.kz.

Тағы да оқыңыздар

«Тек төтенше жағдайда»: Аймағамбетов мектепте смартфон ұстауға қатысты пікір білдірді

Алматы облысында 56 мұғалім жарты жыл бойы жалақы алмай келген

Ақтауда мектеп оқушысын бір топ бала жабылып ұрып-соққан

Негізгі ҰБТ-2024 басталғалы бері 211 мың рет тест тапсырылған. Оның ішінде:

талапкерлердің 76%-ы шекті бал жинады;
орташа балл – 68 бал;
ең жоғары балл – 138 бал;
ерекше білім беру қажеттілігі бар 577 талапкер қатысты.

Ереже бұзғаны үшін 396 адамның нәтижесі жойылды. Атап өтсе

смартфон, шпаргалка және басқа да тыйым салынған заттарды алып өту әрекеті салдарынан 267 талапкер тест тапсыру мүмкіндігінен айырылды;
тестілеу кезінде ережелерді бұзғаны үшін аудиториядан 120 адам шығарылды;
бейнежазбаларды тексеруден соң ереже бұзған 9 адамның нәтижесі жойылды;
бөгде тұлғалар анықталған жоқ.

Тестке қатысушылардың басым бөлігі, атап айтқанда, 18%-ы «математика-физика», 16%-ы «биология-химия» пәндер комбинациясын тапсырды. 15%-ы «шығармашылық емтихан» комбинациясын таңдаған.

мектеп ҰБТ Ұлттық бірыңғай тестілеу түлектер