17 турист жеке қайықтан отшашу атып, өрт шығарған. Не істеп қойғанын түсінген кезде өртті сөндіруге тырысқан. Әрекеттері сәтсіз екеніне көзі жеткен соң өрт сөндіру бригадасын шақырып, өздері кетіп қалған, деп хабарлайды Ulysmedia.kz порталы Грекия БАҚ-тарына сілтеме жасап.
Рronews.gr сайтының хабарлауынша, 17 турист жеке қайықтан отшашу атып, өрт шығарған.
Туристер қайықты жалға алған. Аралдың оңтүстік-батыс жағалауында жүзіп жүргенін көрші кеменің капитаны көрген. Гидраның "бурлактары" Вулагмендегі жағалау күзетіне осылай куәлік берген.
Сенбі күні таңертең өрт сөндіру бригадасынан алынған ақпаратқа сәйкес, Бисти аймағындағы өрттің жағдайы жекелеген ошақтарға қарамастан бәсеңдеген. Төбеден тікұшақ су шашқан. Сенбі күні таңертең Идра мэрі Йоргос Кукудакис "кейбір адамдар отшашуды қарағайлы орманға қарата жауапсыз түрде атады, соған ашуланамыз" деген.
Еrtnews.gr порталы отшашу шашқан туристертен катер тәркіленгенін жазады.
– 2024 жылдың 22 маусымында өрт сөндіру бөлімінің (D. P. E.) қызметкерлері орман алқабында – Бисти ауданы Идра аралында өрттің шығуына жауапты он үш тұрғын тұтқындады, - деп өрт сөндіру бөлімінің хабарламасын келтіреді БАҚ.
Қамауға алынғандар дүйсенбі күні прокурорға жеткізіледі.
Грекияның Kathimerini басылымы отшашу атылған қымбат яхтаны Қазақстаннан келген демалушылар тобы жалға алғанын жазады.
Ulysmedia.kz тілшісі осы оқиғаның мән-жайын Қазақстанның Сыртқы істер министрлігінен сұраған. Жауап келгенде бірден жарияланады.
