Көшедегі төбелес бейнебақылау камерасына түсіп қалған, деп хабарлайды Ulysmedia.kz.
Ақтау шағын аудандарының бірінде төбелес болып, нәтижесінде бірнеше ер адам екіншісін аяусыз ұрып-соққан. Бұл оқиғаның видеосы әлеуметтік желілерде жарияланды және көпшіліктің наразылығын тудырды.
“Жауыздар”, “бұндайларды жігіт деуге аузың бармайды”, “еркек емес, ез” деген сарындағы пікірлерді көзіміз шалды.
Қауіпсіздік камерасының жазбасында екі адамның алдымен күресіп жатқанын көруге болады, содан кейін оларға үшінші адам жүгіріп келіп, біреуін таяқпен ұрады. Кейінірек шабуылдаушы күрекпен оралып, жәбірленушіге шабуыл жасауды жалғастырады. Нәтижесінде ер адам жерге құлап, қозғалыссыз қалады, ал агрессорлар оқиға орнынан қашып кеткен. Сондай-ақ, кадрларда төбелес аяқталғаннан кейін жәбірленушіге көмекке келген басқа адамдарды байқауға болады.
Жәбірленуші тірі
Маңғыстау облысы полиция департаментінің баспасөз қызметі зардап шеккен ер адамның аман қалғанын хабарлады.
Полиция қылмыстық істі денсаулыққа қасақана ауыр зиян келтіру фактісі бойынша тергеп жатыр. Тергеу әрекеттері жүргізілуде. Осы фактіге қатысқан барлық қатысушылар анықталды. Тергеу мүддесі үшін өзге де мәліметтер жария етілмейді.
