Алматылықтар бір апта бойы жарықсыз қалуы мүмкін

Толығырақ

Алматылықтарды электр жарығы жоспарлы түрде өшірілетін тағы бір апта күтіп тұр. Жөндеу бригадалары күн сайын сағат 08:00-ден 17:00-ге дейін жұмыс істейді. Ондаған көше, шағынаудан және жекелеген нысандарда электр жарығы уақытша өшіріледі.

РЭС-1 (14-18 қыркүйек)

Электр жарығы Көкқайнар, Самғау, Байбесік, Түркістан, Айгерім-1, Шаңырақ-1 шағынаудандарында өшіріледі. Сондай-ақ Панфилов, Назарбаев, Есенов, Сүйінбай, Уссурийская көшелері мен оларға іргелес аумақтағы үйлер жарықсыз қалады.

Жұмыстар күн сайын дерлік жүргізіледі. Негізгі бөлігі күрделі және мердігерлік жөндеуге тиесілі.

РЭС-2 (14-18 қыркүйек)

Мұнда жарық Қазыбек би, Сейфуллин, Абылай хан, Желтоқсан, Құрманғазы, Абай, Жамбыл, Мынбаев, Әуезов, Розыбакиев, Сәтбаев, Брусиловский көшелерінде өшіріледі. Күн сайын төрт-бес мекенжайда жұмыс жүргізіледі.

РЭС-3 (14-18 қыркүйек)

Алғабас, Теректі, Ақжар, Қарағайлы, Таусамалы, Қалқаман-2, Тастыбұлақ, Құрамыс елді мекендерінде электр жарығы уақытша өшеді. Жұмыстардың басым бөлігі мердігерлік жұмыстар мен ағымдағы жөндеуге қатысты.

РЭС-4 (14-18 қыркүйек)

Томирис, Трудовик, Бұрындай, Боралдай, Қарасу, Черемушки-2 шағынаудандарында және Сүйінбай даңғылында электр жарығын өшіру жоспарланған.

РЭС-5 (14-18 қыркүйек)

Күн сайын Навои көшесіндегі үйлер жарықсыз қалады. Сондай-ақ Розыбакиев – Радостовец көшелері аралығында, Марков көшесінде, Нұр Алатау және Горный Гигант аудандарында жұмыстар жүргізіледі.

РЭС-6 (14-18 қыркүйек)

Электр жарығы Достық даңғылында, Көк-Төбеде, Уәлиханов, Қонаев, Қабанбай батыр, Зенков, Пушкин, Абай, Бөгенбай батыр, Қалдаяқов, Керей-Жәнібек хандар, Луганский көшелерінде, сондай-ақ Горный Гигант пен Широкая Щель аудандарында өшіріледі.

РЭС-7 (14-18 қыркүйек)

Жұмыстар Жетісу-4, Ақбұлақ, 8, 9, 10 және 10А шағынаудандарын, сондай-ақ Навои көшесін қамтиды. Бұдан бөлек, Әуезов ауданының әкімдігі мен «Алтын Сарай» тұрғын үй кешенінде де жарық өшеді.

Жөндеу жұмыстарының мерзімі жоспардан тыс жұмыстарға байланысты өзгеруі мүмкін.

Контекст

Еске салайық, тамызда Қазақстанның бірнеше өңірі мен көршілес елдерде электр энергиясына қатысты ақау болған. Алматы, Алматы облысы, Шымкент және Жетісу облысында жарық өшті.

Электр энергиясынан кейін су мен байланыс жүйесінде де ақау болып, метро мен бағдаршамдар жұмысын тоқтатты.