14 қыркүйектегі сауда қорытындысы бойынша теңге негізгі валюталарға қатысты айтарлықтай нығайды, деп хабарлайды Ulysmedia.kz.
Доллар арзандады
Қазақстан қор биржасындағы доллар бағамы 447,94 теңгеге дейін төмендеп, бір күнде 0,67% арзандады. 11 қыркүйектегі алдыңғы саудада доллар 450,97 теңге болған.
Осылайша, бір сауда күнінде АҚШ валютасы 3,03 теңге арзандады.
Еске салайық, 10 қыркүйекте доллар бағамы бір күнде 456,61 теңгеден 450,35 теңгеге дейін күрт төмендеген. Жұма күні аздап қымбаттағанымен, бар болғаны 62 тиын өскен.
Еуро да айтарлықтай арзандады
Пайыздық көрсеткіш бойынша еуро одан да қатты арзандады. Оның бағамы 0,96% төмендеп, 518,05 теңге болды. Жұма күні еуро 523,09 теңгеден саудаланған.
Рубль 0,55% арзандап, 5,3232 теңгеге түсті. Ал юань 0,61% төмендеп, сауданы 66,8121 теңгемен аяқтады.
