Германия үкіметі Ауғанстанда билік ететін (Қазақстанда тыйым салынған) «Талибан» қозғалысымен мыңдаған ауғандықтың Германияға кетуі бойынша келіссөздерді жалғастыруда. Кейбір адамдар Ауғанстаннан азаматтық чартерлік рейстер арқылы эвакуациялана бастады, деп хабарлайды ulysmedia.kz.
dw.com-ның мәліметінше, Германиядағы Сыртқы істер министрінің міндетін атқарушы Хайко Мас тәлібтер Кабулды басып алып, адамдарды әуе арқылы эвакуациялауды тоқтатқаннан кейін Берлин Исламабад үкіметінің қолдауымен құрлық арқылы 2000-нан астам ауғанды Пәкістанға, содан кейін Германияға тасымалдағандарын айтты. Олардың ішінде Батыс ұйымдарының және адам құқықтарын қорғау ұйымдарының бұрынғы қызметкерлері де бар.
«Біз адамдарды Германияға тіпті Иран арқылы да жеткізе алдық», - деді Хейко Мас.
Сонымен бірге, Өзбекстан мен Тәжікстан Германияға ауғандықтарды көшіруге көмектескен жоқ. Тамыз айының соңында Мас осы екі елге де, Пәкістанға да барып, олардың үкіметтерін Германия қабылдауға уәде еткен ауғандықтарға шекараларды ашуға көндірмек болды, бірақ іске аспай қалған.
