Күн өткен сайын қызығы артып, дүбірі қатты естіле бастаған футболдан биылғы Еуропа біріншілігінің бүгін, 6 шілде күні ¼ финалының соңғы екі ойыны өтпек. Жасыл алаңда Англия мен Швейцария және Нидерланд пен Түркия жұбы жолығады, деп хабарлайды Ulysmedia.kz.
Кешкі сағат сағат 21.00-де Англия мен Швейцария шеберлік сынасады.
Кездесу Дюссельдорф қаласындағы «Меркур Шпиль-Арена» стадионында өтеді.
Сондай-ақ бүгін түнгі сағат 00.00-де Нидерланд пен Түркия кездесуі басталады.
Ойын Берлин қаласындағы «Олимпиаштадион» стадионында өтуі жоспарланған.
Еске сала кетсек, кеше түнде Германияны өз алаңында 2-1 есебімен тізе бүктірген Испания ұлттық құрамасы мен Португалиядан негізгі уақытта да, қосымша белгіленген қос экстра таймда да гол соқпай-ақ бағын асырған Франция командасы жартылай финалға жолдама алды. Француздардың тек ойын соңындағы пенальтилер сериясында ғана жолы болды.
Осылайша Франция құрамасы Еуро додасының тарихындағы гол соқпай-ақ жартылай финалға өткен тұңғыш команда атанды.
