Ақмола облысындағы полицейлер квадроциклмен болған жол-көлік оқиғасын тергеп жатыр, деп хабарлайды Ulysmedia.kz.
Облыстық полиция не дейді
Бурабай ауданының полиция бөлімінің анықтау органдарының өндірісінде квадроцикл жолаушысы қаза тапқан жол-көлік оқиғасы фактісі бойынша қылмыстық іс тергеуге алынған.
– Оқиға 27 шілдеде курорттық аймақ аумағында болғандығы алдын ала анықталған. Астанадан келген екі қыз жергілікті жалға беру пункттерінің бірінде "X5 Classic" маркалы квадроциклді жалға алған. Басқару кезінде 19 жастағы жүргізуші рөлді басқара алмай, көлікке ұзақ бұрылыста аударылған. Апат салдарынан жарақат алған жолаушы медициналық мекемеде қайтыс болды, – делінген хабарламада.
Іс қозғалды
Жол-көлік оқиғасы фактісі бойынша полицейлер сотқа дейінгі тергеуді бастады. Сондай-ақ, ҚР ҚК 306-бабы 3-бөлігі (тауарларды шығару немесе сату, жұмыстарды орындау немесе қауіпсіздік талаптарына сай келмейтін қызметтер көрсету) бойынша жеке сотқа дейінгі тергеп-тексеру шеңберінде анықтаушылар қауіпсіздік талаптарының сақталуына квадроциклдерді жалға беру пунктінің қызметін тексереді.
