Абай атындағы Қазақ ұлттық опера және балет театрының қызметкерлері жұмыстан шығарылғанын айтты, деп хабарлайды Ulysmedia.kz.
ОҚИҒА ҚАЛАЙ БОЛДЫ?
Алматыдағы театрда бірнеше капельдинер әйелдің жұмыстан шығарылғаны белгілі болды. Театр көрермендерімен жұмыс істеу менеджері Назерке Әбілқасымова жағдайға қатысты пікір білдірді.
«Театрға кірген кезде қарсы алатын қыздар театрдың ашық алаңдарын үйлестіреді, орындарды көрсетеді. Біз жол көрсетушіміз. Сонымен қатар, залды тазалап, тәртіпті сақтаймыз. 1 шілдеге дейін театрда осы қызметте 9 адам жұмыс істеді. Шілде айының басынан бері театр түгелдей демалысқа шықты. Қызметкерлер де демалысқа шығу туралы өтінішке қол қоюға ниет білдірді, бірақ қолдарынан келмеді», - дейді Әбілқасымова.
БӨЛІМ ТАРАТЫЛҒАН
Менеджердің сөзінше, оларға далада бейресми жағдайда бөлімнің таратылғаны айтылған.
«Осы аралықта театрдың бас есепшісі жұмысқа келіңдер, әйтпесе, ескертулерге әлі қол қойылмағандықтан, театр қызметкері ретінде тіркелгендіктен, бап бойынша жұмыстан шығарылуымыз мүмкін екенін айтты», - деді ол.
“ЖҰМЫС ЖОҚ”
Әбілқасымова театр маусымының жабылғанын, жұмыс жоқ екенін айтты.
«Біз әділеттілікке қол жеткізгіміз келеді», - деп түйіндеді театр қызметкері.
ТЕАТР ТУРАЛЫ
Абай атындағы Қазақ ұлттық опера және балет театры – Қазақстандағы жетекші опера театрларының бірі, сонымен қатар Алматыдағы көрнекі жерлер қатарына жатқызылады.
