Мемлекет басшысы Қасым-жомарт Тоқаевтың баспасөз қызметі мен Kyran Films компаниясы V Дүниежүзілік көшпенділер ойындары туралы үздік бейнероликтерге байқау жариялады, деп хабарлайды Ulysmedia.kz.
Бұл туралы Президенттің кеңесшісі – Баспасөз хатшысы Берік Уәли өзінің Іnstagram-дағы парақшасында жариялады.
“Бұл - тарихи сәт, ең жас және креативті мобилограф Президенттің 1 күндік жеке мобилографы бола алады. Бұл жаңа кәсіп еліміздің тарихын жасайтын - тарихи кезең. Барлық мобилографтар мен контентмейкерлерді ауқымды байқауға қатысуға шақырамыз”, деді Б.Уәли өзінің желідегі жазбасында.
Үміткерлер видеоларын TikTok және Іnstagram-ға #nomadgamesfest хэштегімен салуы керек.
“Көшпенділер ойындарына арналған ең креативті промо-ролик түсіріп, оны әлеуметтік желілерге, Intagram, TikTok-қа #nomadgamesfest хештегімен жариялаңыз. Бұл - сіздің өзіңіздің қабілеттеріңізді көрсетіп, керемет сыйлықтар ұтып алатын мүмкіндігіңіз”, дейді Берік Уәли.
Байқаудың жүлделері де қомақты. Атап айтсақ,
- Гран-при:
Президенттің жеке мобилографы болу,
iPhone 15 Pro Max,
MOBILOGRAPHY BOX (жарық, микрофон),
+ 1 000 000 теңге.
2 орын - 1 000 000 теңге.
3 орын- iPhone 15 Pro Max.
4 орын- 500 000 теңге.
5-15 орындар - MOBILOGRAPHY box (жарық және микрофондар).
16-20 орындар - Мобилография курсы (онлайн оқу).
21-100 орындар - Жеке мадақтамалар.
101-150 орындар - Арнайы сертификаттар.
Бөлек 50 орын.
Сіздің видеоңыз әлеуметтік желіде 100 000 жинаған қаралымыңыз үшін - 50 000тг сыйлыққа. (TikTok, Instagram)
Қатысушыларды 7 қыркүйекке дейін қабылдап, жеңімпаздарды 9 қыркүйекте анықтамақ.
