АҚШ мемлекеттік хатшысы Энтони Блинкен Газа секторындағы атысты тоқтату туралы келіссөздер жүргізу үшін бүгін Израильге ұшады, деп хабарлайды Ulysmedia.kz Reuters агенттігіне сілтеме жасап.
Басылым атап өткендей, Америка Құрама Штаттары соғысушы тараптар арасындағы келіспеушіліктерді дұрыстауға көмектесетін «ымырашылдық ұсыныстарын» жолдады.
«Біз қалған келіспеушіліктерді шештік және қазір жасауға, іске асыруға және алға жылжытуға дайын деп санайтын шешімді ұсындық», - деді журналистерге Байден әкімшілігінің жоғары лауазымды қызметкері.
Израильде Блинкен премьер-министрмен және басқа да жоғары лауазымды тұлғалармен кездеседі деп күтіліп отыр.
Келіссөздер аймақтық шиеленісу қаупі жағдайында өтіп жатыр. 31 шілдеде Тегеранда ХАМАС жетекшісі Исмаил Хания өлтірілгеннен кейін Иран Израильге жауап қайтарамыз деп сес көрсетті.
Ұлыбритания, Франция, Германия және Италия Сыртқы істер министрлері бірлескен мәлімдемеде қарулы қақтығысты тоқтату туралы келіссөздерді қолдап, барлық тараптарды кез келген «эскалация әрекетінен» аулақ болуға шақырды.
