Өліммен аяқталған кезекті қайғылы оқиға Шығыс Қазақстан облысындағы шахтада тіркелген, деп хабарлайды Ulysmedia.kz.
Бұл туралы KAZ Minerals компаниясының баспасөз қызметінен хабарлады. 1 қыркүйекке қараған түні Артемьев шахтасында жұмысшы қатты жарақат алып, қайтыс болғаны айтылады.
– 1 қыркүйекке қараған түні Артемьев шахтасында мердігер ұйымының үдеткіші жарақат алып, көз жұмды, - делінген хабарламада.
Оқиғаның мән-жайы мен себептері анықталып жатыр. Істі тергеу жөніндегі арнайы комиссия құрылды.
Бұған дейін «Востокцветмет» шахтасындағы төрт кенші қаза болған еді. Оқыс жағдай 31 тамыз күні сағат 17:30-да болған. Алдын ала мәлімет тараған ақпаратқа қарағанда, кеншілер белгісіз заттан уланып көз жұмған. Тағы бір адам Глубокое аудандық ауруханасына жатқызылды, оның жағдайын дәрігерлер тұрақты деп бағалайды. Оқиғаның мән-жайы анықталып жатыр.
