Қазақстанның Қаржы нарығын реттеу және дамыту агенттігі микроқаржы ұйымдарының мерзімі өткен берешегі бар қарыз алушылармен өзара іс-қимыл жасау қағидаларына өзгерістер енгізуді ұсынды, деп хабарлайды Ulysmedia.kz.
"Ашық НҚА" порталында жарияланған жаңа жоба аясында микроқаржы ұйымдары демалыс және мереке күндері де тұтынушыларға қоңырау шала алады. Жобаны көпшілік талқылауы 19 қыркүйекке дейін жалғасады.
Борышкерлер үшін не өзгереді?
Қаулының жаңа жобасына сәйкес микроқаржы ұйымдары қарыз алушылармен жұмыс күндері сағат 8:00-ден 21:00-ге дейін, бірақ күніне бір рет және аптасына тек үш рет байланыса алады. Демалыс және мереке күндері де қоңырауларға рұқсат етіледі, бірақ шектеулермен: күніне екі реттен көп емес және 9:00-ден 19:00-ге дейін. Қоңыраулардан басқа, мобильді мессенджерлер арқылы хабарласуға рұқсат етіледі.
Сондай-ақ, жоба микроқаржы ұйымдарының қарыз алушының орналасқан жерін анықтау немесе егер бұл берешекті реттеу үшін қажет болса, оның байланыс деректерін алу үшін үшінші тұлғалармен байланысу мүмкіндігін көздейді.
Өзара іс-қимылдың ашықтығы және қарыз алушылардың құқықтары
Микроқаржы ұйымдары мен борышкерлер арасындағы өзара іс-қимылдың ашықтығын арттыру мақсатында агенттік ұйым өкілдеріне нақты талаптар қойды. Қарыз алушымен қарым-қатынас кезінде олар өз компанияларының атын, мекен-жайын, сондай-ақтегін, аты-жөнін және лауазымын көрсете отырып, өздерін таныстыруға міндетті. Және борышкерге қарыздың мөлшері, айыппұлдар және несиені одан әрі төлемеген жағдайда мүмкін болатын салдарлар туралы хабарлауы керек.
