АҚШ президенттігіне Республикалық партиядан үміткер Дональд Трампқа гольф клубының маңында қастандық жасамақ болған күдікті ұсталды, деп хабарлайды Ulysmedia.kz.
«Бұл тағы да болып жатыр»
ТАСС ақпарат агенттігінің жазуынша, бұл туралы экс-президенттің ұлы кіші Дональд Трамп мәлімдеген.
Бұл тағы да болып жатыр. Флорида штатындағы Вест Палм-Бичтегі Трамп гольф алаңдарында атыс болды. Жергілікті құқық қорғау органдарының мәліметінше, бұталар арасынан АК-47 автоматы табылған. Қолда бар мәліметтер бойынша, күдікті ұсталды, - деп жазды ол әлеуметтік желіде.
Трамп қауіпсіз жерге орналастырылды
Еске сала кетейік, Дональд Трампқа бұған дейін де қастандық жасалмақ болғанын жазғанбыз.
Өкілдер палатасының мүшесі Марджори Тейлор-Грин қазіргі уақытта Трампқа ешқандай қауіп төніп тұрмағанын айтқан.
Трамп оның маңайында болған атыстан соң қауіпсіз жерге орналастырылды. Әзірге басқа ақпарат жоқ, - деп жазды Х әлеуметтік желісіндегі парақшасында Марджори Тейлор-Грин.
