Өнеркәсіп және құрылыс министрі Қанат Шарлапаев мәжілісмен Бақытжан Базарбектің құрылыс кодексін әзірлеу кезінде "300 млн теңгеге жуық сома желге ұшты" деген ақпаратына түсініктеме берді. Ол депутат таратқан ақпаратпен келіспей, аудит қорытындысы барын айтады, деп хабарлайды Ulysmedia.kz.
"КӨРМЕУ МҮМКІН ЕМЕС ЕДІ"
– Құрметті депутат Базарбайдың пікірін көрмеу мүмкін емес еді. Мұнда мен екі нәрсеге түсініктеме бергім келеді: бізде тиісті түрде наразылық білдірілген Қаржы министрлігінің қорытындысы бар. Қаржы министрлігі қарауының қазір соңғы талқылауы жүріп жатыр, - деді министр.
БАСҚА ЗАҢ БҰЗЫЛҒАНЫН АУДИТ АНЫҚТАҒАН ЖОҚ
– Әрине, депутаттардың өз пікірін білдіруге құқығы бар, біз де зерттеу жүргізген. ҚР жоғары аудиторлық палатасының аудиті бар. Бұл аудиторлық есеп 2024 жылдың 26 шілдесінде айқайлай айтылатын заңбұзушылықтарды көрсетпеді. Менің пікірім келесідей: менде екі есеп бар, олардың біреуі ештеңе таппайды, тергеу ресми түрде аяқталған жоқ, өйткені мемлекеттік орган бұл шешімге наразылық білдіруге құқылы. Біз оған наразылық білдірдік. Сондықтан Бақытжан Базарбек әлі аяқталмаған тергеу нәтижелерін жариялады, мен оған түсініктеме бере алмаймын, - деді Қанат Шарлапаев.
ӘҢГІМЕ ҚАЙДАН ШЫҚТЫ
Еске сала кетейік, бұған дейін құрылыс кодексінің жобасына 291 млн теңге бюджет қаражаты негізсіз жұмсалғанын үкімет басшысына депутаттық сауал жолдаған Бақытжан Базарбек айтқан еді. Депутаттың сөзінше, құжат сапасыз. Осылайша, қомақты қаржының бөлінуі де тиімді құжат әзірлеуге көмектеспеген. “Құрылыс кодексінің 98-99%-ы қолданыстағы заңдардан тұрады және ешқандай жаңашылдығы жоқ” дейді мәжілісмен.
Осыған байланысты бір топ депутат мұндай сапасыз кодекс жобасына бюджет қаражатын жұмсаудың орындылығы туралы Қаржы министрлігінің Ішкі мемлекеттік аудит комитетіне жүгінген. Ведомство бюджет қаражатын жоспарлау мен пайдалануға мемлекеттік аудит жүргізіп, нәтижесін жариялаған. Біріншіден, 2023 жылға арналған бюджет кодексінің 41-бабының 4.2-тармағын бұза отырып, жалпы сомасы 382 млн теңгеге құрылыс кодексін әзірлеу Өнеркәсіп және құрылыс министрлігінің мемлекеттік міндеттер тізіміне негізсіз енгізілген. Осылайша тексеріс нәтижесінде министрлік пен «ҚазҚСҒЗИ» құрылыс саласындағы мемлекеттік ғылыми-зерттеу және жобалау институты» ЖШС арасындағы келісімшарт негізсіз жасалғаны белгілі болған.
Екіншіден, министрлік бюджеттік өтінімде қамтылған мәліметтер мен есептердің толықтығы мен дұрыстығын қамтамасыз етпеген. Осылайша бюджет кодексінің 67-бабының 12.12.1-тармағын бұзған. Бұл жалпы сомасы 291 млн теңгені құрайтын бюджет қаражатын негізсіз жоспарлауға әкеп соққан.
Үшіншіден, мемлекеттік аудит қорытындысынан түсінгеніміз, құрылыс кодексінің жобасын әзірлеуге сырттан ұйымдар тартылмаған. Қосымша үй-жайлар жалға алынбаған, 2023 жылдың мамыр-желтоқсан айлары аралығындағы штаттық қызметкерлерге еңбекақы негізсіз төленген. Жалпы алғанда құрылыс кодексінің жобасын әзірлеуге бюджеттік шығыстар жоспарланбаған.
Мұның алдында Базарбек Құрылыс кодексінің жобасын “10-сыныптың оқушысы жаза алады” деп тағы бір сынаған еді.
