Владимир Путиннің Ресейдің Шығыс Еуропада «қызығушылықтары жоқ» деген мәлімдемелеріне қарамастан, Польша басшылығы елдің «соғыс алдындағы уақытта» өмір сүріп жатқанын ашық айтып, Ресеймен соғыстың үш жыл ішінде басталатынын болжайды, деп хабарлайды Ulysmedia.kz BBC-ге сілтеме жасап.
ЕКІ ЖЫЛ БҰРЫН
«Бізге тағы екі жыл қажет, содан кейін Польша армиясы Еуропадағы ең мықты құрлық әскері болады» – бұл сөздерді Польша қорғаныс министрі Мариуш Блащак былтыр сәуір айында айтқан.
Сол уақыттан бері Польшада үкімет ауысты, Блащактың өзі оппозицияда қалды, бірақ қазіргі билік армияны нығайту бағытын жалғастырып, оған көп қаражат пен күш жұмсауда.
Варшава қуатты қарулы күштер өз қорғанысын ғана күшейтіп қоймай, сондай-ақ өз аймағында маңызды ойыншы болуға мүмкіндік береді деп үміттеніп отыр.
УКРАИНА КЕЙСІ СИГНАЛ БОЛДЫ
Ең маңыздысы, Ресейдің Украинаға толыққанды басып кіруі басталғаннан кейін Польшада ресейлік армияның соғысты олардың аумағында да бастауынан қатты қауіптене бастады.
Владимир Путиннің Ресейдің Шығыс Еуропада «қызығушылықтары жоқ» деген мәлімдемелеріне қарамастан, Польша басшылығы елдің «соғыс алдындағы уақытта» өмір сүріп жатқанын ашық айтып, Ресеймен соғыстың үш жыл ішінде басталатынын болжайды.
ПОЛЬША ҚАЛАЙ ҚАРУЛАНЫП ЖАТЫР
2024 жылы Варшава қорғанысқа ЖІӨ-нің 4,12%-ын жұмсайды, ал 2025 жылы бұл көрсеткішті 5%-ға жеткізуді жоспарлап отыр. Бұл Солтүстік Атлантикалық альянс елдерінің ішіндегі ең үлкен көрсеткіш.
Швед бейбітшілік проблемаларын зерттеу институты (SIPRI) 2024 жылдың сәуірінде жарияланған зерттеуінде Польшаның 2022 жылы қорғанысқа шығындары 75%-ға өсіп, 31,6 миллиард АҚШ долларына жеткенін жазады. Бұл – НАТО-ның барлық еуропалық елдері арасындағы ең үлкен өсім болды.
Польша АҚШ-тан өз класындағы ең үздік AH-64Е Apache 96 тікұшағын, Украинадағы соғыста жоғары тиімділігін көрсеткен 486 HIMARS қондырғысын, соңғы SEPv3 модификациясындағы 250-і бар M1A2 Abrams 366 танкін, бесінші буындағы F-35A 32 жойғышын, екі Patriot әуе қорғаныс жүйесі батареясын және әуе қорғанысын басқару жүйесін сатып алды.
Польшаның тағы бір ірі қару жеткізушісі – Оңтүстік Корея. Варшава Сеулмен 648 K9 Thunder өздігінен жүретін гаубицаларды және 980 K2 Black Panther танктерін сатып алу туралы келісімдерге қол қойды. Бұл жүйелердің бір бөлігін Польшада құрастырады. Поляктар Корея Республикасынан 48 FA-50 оқу-жаттығу ұшағын да сатып алды.
Сондай-ақ Польша Ұлыбританиядан «Мечник» класындағы үш фрегатқа тапсырыс берді.
