Мұнай экспорттаушы елдер ұйымы (ОПЕК) 2024 жылдың қазан айындағы есебінде әлемдік мұнайға деген сұраныстың өсу болжамдарын қайта қарап, қысқартты, деп хабарлайды Ulysmedia.kz.
КӨРСЕТКІШ ТӨМЕНДЕТІЛДІ
2024 жылға арналған болжам 2,03 миллион баррельден 1,93 миллион баррельге дейін, ал 2025 жылға арналған болжам 1,74 миллион баррельден 1,64 миллион баррельге дейін төмендетілді.
СЕБЕБІ ДЕ БЕЛГІЛІ
Мұндай қайта қараудың негізгі себебі – Қытайды қоса алғанда, негізгі мұнай тұтынушы елдердегі экономикалық өсудің бәсеңдеуі болды.
ТАЗА ЭНЕРГИЯНЫҢ ҚАНДАЙ ҚАТЫСЫ БАР
Есепте сонымен қатар экологиялық таза энергия көздеріне жылдам өту дәстүрлі мұнай нарықтарына айтарлықтай қысым көрсететіні атап өтілген, бұл өз кезегінде көлік және құрылыс сияқты салалардағы мұнай өнімдеріне деген сұранысты азайтуда.
БҰҒАН ДЕЙІН
Сауд Арабиясының энергетика министрі, ханзада Абдельазиз бин Салман, OPEC+ елдері мұнай өндіруді шектеу туралы келісімді бұза берсе, мұнай бағасы барреліне 50 долларға дейін құлдырауы мүмкін екенін ескерткен.
