Оңтүстік Корея "Солтүстік Корея әскер беруінің өтеуі ретінде Ресейден ядролық технологияны сұрайтын шығар", деп болжам жасайды, деп хабарлайды Ulysmedia.kz.
МӘН-ЖАЙЫ
CNN-нің жазуынша, Оңтүстік Кореяның Қорғаныс министрі Ким Ен Хен Пентагонда Солтүстік Корея Ресейге Украинаға қарсы соғысқа көмектесу үшін әскер орналастырғанының өтеуі ретінде Мәскеуден ядролық қаруға қатысты озық технологияны "сұрауы ықтимал" деді.
Солтүстік Корея Ресейден тактикалық ядролық қаруға байланысты технологияларды беруді, Солтүстік Кореяның құрлықаралық баллистикалық зымырандарын, барлау спутниктерін және атом сүңгуір қайықтарын ілгерілетуді сұрауы мүмкін, – деді Ким.
ЕСКІ СХЕМА
Бұл келісім Ресей мен Иран арасындағы келісімді еске түсіреді, оның аясында Мәскеу Украинадағы соғысты қару-жарақ пен әскери қолдаудың орнына, Тегеранмен ядролық мәселелер бойынша технологиялармен бөліседі, деп хабарлады Ақ үй қыркүйекте.
ШИЕЛЕНІС
Ким Чен Ын сайып келгенде, Солтүстік Кореяның Ресейге көмектесу үшін әскерін орналастыруы "Корей түбегінде соғыс басталу ықтималдығын" арттырады дегенге сенбейтінін, бірақ бұл "Корей түбегіндегі қауіпсіздік қатерлерінің күшеюіне" әкелуі мүмкін екенін айтты.
Оңтүстік Корея бірнеше апта бойы Ресейде Солтүстік Кореяның әскері орналастырылғанына дабыл қағып келед. Дүйсенбіде НАТО одақтастарына әскердің қозғалысы туралы ақпарат берген.
Өткен аптада АҚШ алғаш рет Солтүстік Кореяның мыңдаған әскери қызметшісі әскери дайындықтан өту үшін Ресейге жіберілгенін растаған. Бастапқыда АҚШ бұл жерде тек 3 мың адам болғанын айтты, бірақ осы аптада олар бұл санды 10 мыңға жеткізді. Ал Оңтүстік Корея ол жерде 13 мың адам барын айтады.
