Астана тұрғындары елорданың әуе кеңістігінде бірнеше жойғыш ұшақтың ұшып өткенінің куәсі болды, деп хабарлайды Ulysmedia.kz.
Оқиға куәгерлері қаланың әр тұсынан бұл жайтты видеоға түсіріп алған. Әуе қорғанысының жойғыш техникалары қаланың үстімен айналып ұшып өтті. Олар астананың оң және сол жағалауында да байқалды.
Кадрлардан ұшақтардың артында шұбатылған түтіннің қалғаны анық көрінеді.
Еске сала кетсек, 23-24 қараша күндері Астанада Қазақстан Қарулы күштері авиациясының жоспарлы жойғыш ұшақтары ұшатынын хабарлағанбыз.
Қорғаныс министрлігінің мәліметінше, бұл іс-шара арнайы түтінді пайдалану арқылы Қазақстан Республикасы Әуе қорғанысы күштерінің оқу-жаттығу ұшулары шеңберінде өткізілетіні ескертілген. Министрлік сендіргендей, истребительдің ұшуы қауіпсіз биіктікте өтеді және қала өмірінің әдеттегі ырғағын бұзбайды.
Сондай-ақ ведомство авиацияның ұшуы қауіпсіз биіктікте өтетіндіктен, қала өмірінің әдеттегі қалпын бұзбайтынын, іс-шара ұшу қауіпсіздігі шараларына сәйкес ұйымдастырылатындықтан, тұрғындарға ешқандай қауіп төндірмейтінін мәлімдеген. Қолданылатын түрлі-түсті түтіндердің экологиялық зияны жоқ екені де алдын ала айтылды.
