Ақтаудағы 28А ықшам ауданында орналасқан көпқабатты тұрғын үйдің жертөлесінен ер адамның денесі табылды, деп хабарлайды Ulysmedia.kz.
МӘН-ЖАЙЫ
Бұл туралы әлеуметтік желіде жарияланған видеодан кейін белгілі болды.
Маңғыстау облыстық Полиция департаменті ер адамның денесі 26 қарашада табылғанын нақтылады. Марқұм белгілі бір тұрғылықты жері жоқ адам екені белгілі болды.
ҚЫЛМЫСТЫҚ ІС ТІРКЕЛДІ
Кісі өлімі фактісі бойынша қылмыстық іс тіркелді. Қазіргі уақытта болған оқиғаның барлық мән-жайын анықтау үшін сот-медициналық сараптама жүргізу тағайындалды, – деп хабарлады полициядан.
Құзырлы ведомство тергеу мүддесі үшін өзге ақпарат жария етуге жатпайтынын айтты.
