"Каспий" футбол клубында 27 млн теңге жымқыру, куәгерге қысым жасау фактілері анықталды. Күдікті – клубтың бұрынғы басшысы, деп хабарлайды Ulysmedia.kz.
Маңғыстау облысының прокуратурасы "Каспий" футбол клубының оқу-жаттығу жиындарына бөлінген 27 миллион теңгеден астам қаражаттың ұрланғанын анықтады.
Осы фактіні тергеу барысында облыстың сыбайлас жемқорлыққа қарсы қызметі облыс ҰҚКД-мен бірлесіп клубтың бұрынғы басшысы өзінің 2 танысын тарта отырып, күш қолданып, клуб қызметкерін айғақтарды өзгертуге мәжбүрлегенін анықтады, – деп толықтырды ведомствоның баспасөз қызметі.
2024 жылдың 3 желтоқсанында клубтың бұрынғы басшысы, сондай-ақ "К" және "О" деген азамат қамауға алынған. Істің егжей-тегжейі толық айтылмайды.
